Binjakëzimi Rotary Club Shkodër & Rotary Club Tetova — Hotel Colosseo 2026
Rotary Club Shkodër dhe Rotary Club of Tetova kurorëzuan binjakëzimin e tyre me një ceremoni festive në Hotel Colosseo, Shkodër — një urë miqësie dhe bashkëpunimi mes dy qyteteve dhe dy klubeve me frymë të njëjtë shërbimi.
Në frymën e vlerave rotariane të miqësisë, shërbimit, vëllazërisë dhe mirëkuptimit, u përmbyll me sukses ceremonia e binjakëzimit — një moment që shkon përtej një marrëveshjeje formale dhe mishëron angazhimin e përbashkët për projekte që sjellin ndikim pozitiv në komunitetet tona.
Ceremonia u zhvillua në prani të delegacioneve dhe miqve rotarianë, duke u përshëndetur nga personalitete të rëndësishme të familjes së madhe rotariane:
- Presidenti i Rotary Club Shkodër, Muhamet Kaçirani
- Presidenti i Rotary Club Tetova, Argjend Imeri
- Presidentja e Rotary Club Tirana Bllok, Ari Nepravishta
- Kryetari i Komisionit të Imazhit të Distriktit 2485, Denis Xoxa
- As. Guvernatori i Distriktit 2485, Artur Beu
- Guvernatori i Distriktit 2485, Arben Dushi
Aktiviteti kulmoi me ceremoninë zyrtare të nënshkrimit të Memorandumit të Binjakëzimit dhe shkëmbimin simbolik të flamujve të klubeve respektive. Aktiviteti u prezantua dhe moderua nga Zv. Presidentja e Rotary Club Shkodër, Majlinda Laçaj, nën moton United for Good — sepse kur bashkohen energjitë dhe vlerat, ndikimi bëhet më i madh.
Aktiviteti u pasqyrua edhe nga Star Plus TV Shkodër, duke sjellë për publikun një moment të rëndësishëm bashkëpunimi mes dy klubeve tona. Mirënjohje për Niko Fushaj për mbështetjen e vazhdueshme ndaj Rotary Club Shkodër, si dhe për të gjithë miqtë rotarianë që kontribuan në realizimin e këtij aktiviteti.
#RotaryClubShkoder #RotaryClubTetova #RotaryInternational #District2485 #UnitedForGood #TwinClubs #ServiceAboveSelf #Binjakezim #Shkoder #Tetove